Tatlo patay sa aksidente sa Baguio City

Patay ang tatlong katao makaraang araruhin ng isang delivery van ang tatlong mga sasakyan sa Bokawkan Road sa Baguio City, Huwebes (May 29) ng madaling araw.

Sa ulat ng Baguio City Police Office P Col Ruel Tagel sangkot sa aksidente ang isang Forward closed van na bumangga sa isang Toyota Tamaraw FX, isang Hyundai Tucson at isang Mitsubishi L300.

Nasawi ang driver at dalawang sakay ng van habang nasugatan ang driver ng FX.

Human error ang tinitignang dahilan ng aksidente.

Batay sa inisyal na imbestigasyon nakita umanong pagewang-gewang at mabilis ang andar ng closed van sa bahagi ng Bokawkan Road patungo sa Agrix nang bumangga ito sa mga sasakyan.

Nadamay din ang glass door ng isang grocery store sa lugar. (DDC)