P20 per kilo na bigas sa ilalim ng Rice Program ng pamahalaan target na maibenta din sa minimum wage earners

Ibebenta na din sa mga minimum wage earners ang bigas na P20 ang presyo ng kada kilo.

Ito ang napagkasunduan ng Department of Agriculture (DA) at Department of Labor and Employment (DOLE) kasundo ng direktiba ni Pangulong Ferdinand R. Marcos Jr. na palawigin pa ang programa.

Kamakailan nagpulong sina Labor Secretary Bienvenido Laguesma at Agriculture Secretary Francisco P. Tiu Laurel Jr. para talakayin ang planong maisama ang mga minimum waga earners sa mapapayagang makabili ng bigas sa ilalim ng P20 Rice Program.

Ayon sa DA, maaaring simula sa susunod na buwan ay mapapayagan na ang mgaeligible workers na bumili ng P20 per kilo na halaga ng bigas.

Sa ngayon ang bigas na ibinebenta sa ilalim ng nasabing programa ay nabibili ng mga senior citizen, PWDs at solo parent. (DDC)