Public hearing isasagawa para sa mga petisyon na maitaas ang minimum wage sa NCR

Isasailalim sa public hearing ng Department of Labor and Employment – Regional Tripartite Wages and Productivity Board – NCR (RTWPB-NCR) ang mga petisyon na humihiling na maitaas ang minimum wage sa Metro Manila.

Ayon sa RTWPB – NCR, mayroong walong petisyon na inihain para ihirit ang dagdag na P555 sa minimum na sahod sa rehiyon.

Ang mga petisyon ay inihain ng iba’t ibang grupo ng mga manggagawa.

Isasagawa ang hearing sa June 17, 2025 sa Diliman, Quezon City. (DDC)