AFP chief Brawner tiniyak na walang mangyayaring kudeta sa ilalim ng kaniyang pamumuno

Siniguro ni Armed Forces of the Philippines (AFP) Chief of Staff General Romeo S. Brawner Jr. na nananatili ang commitment ng Sandatahang Lakas sa Saligang Batas at sa chain of command.

Ayon kay Brawner, masisiguro niyang walang mangyayaring kudeta sa ilalim ng kaniyang pamumuno.

Hindi rin aniya ang AFP sa mga sabi-sabi, paninira at mga bali-balitang mayroong internal unrest sa loob ng Sandatahang Lakas.

Sinabi ni Brawner na nananatili ang pagkakaroon ng propesyonalismo ng mga sundalo at nagpapatuloy ang kanilang pagpapatupad ng reporma, pagkakaroon ng accountability at internal discipline.

“Let me reassure our countrymen that the AFP remains strong, professional, and firmly loyal to the chain of command. We are a disciplined institution, grounded in respect for the Constitution, civilian authority, and the rule of law,” ayon kay Brawner.

Kumpiyansa si Brawner sa pagkakaroon ng integridad, patriotism, at professionalism ng mga sundalo.

Kung mayroon man aniyang ilang isolated grievances, hindi naman ito sumasalamin sa kabuuan ng AFP. (DDC)