Umano’y lockdown sa ilang probinsya sa Region 12 dahil sa Mpox itinanggi DOH

Itinanggi ng Department of Health (DOH) na may umiiral na lockdown sa ilang lalawigan sa
𝐒𝐎𝐂𝐂𝐒𝐊𝐒𝐀𝐑𝐆𝐄𝐍 𝐑𝐞𝐠𝐢𝐨𝐧 dahil sa kaso ng Monkeypox o MPox.

Kaugnay nito ay pinaalalahanan din ng DOH-Center for Health Development (DOH-CHD) SOCCSKSARGEN Region ang publiko sa kumakalat na pekeng impormasyon sa social media hinggil sa lockdown.

Nilinaw ng DOH na walang idinedeklarang lockdown sa anumang lalawigan sa rehiyon, anumang lungsod o munispalidad.

Babala ng DOH maaaring masampahan ng kasong kriminal ang mga nagpapakalat ng mali at pekeng impormasyon.

Tiniyak din ng DOH na handa ang mga pasilidad sa Region 12 para panghawakan ang mga kaso ng MPox at epektibong naipatutupad ang Health Facility Preparedness and Response Plan para sa nasabing sakit.

Umakyat na sa 11 ang kaso ng mpox sa rehiyon king saan 5 dito ay naka-recover na habang 6 ang nagpapagalint pa. (DDC)