Pekeng DMW Facebook page ginagamit para makapanloko mga OFW

Pinag-iingat ng Department of Migrant Workers (DMW) ang publiko hinggil sa pekeng Facebook page na ginagamit ang pangalan ng DMW.

Ayon sa abiso ng DMW, ginagamit ng mga scammer ang Facebook page na “DMWs PAGE” para manloko at makakuha ng pera sa mga nais maging overseas Filipino Worker (OFW).

Modus ng nasabing page ang manghingi ng bayad kapalit ng mga hindi naman totoong serbisyo gaya ng pagproseso ng exit visa.

Nag-aalok din sila ng tulong para mapalabas ng langguan ng mga OFW na nakakulong sa abroad.

Ayon sa DMW, kahit kailan ay hindi manghihingi ng bayad ang ahensya gamit ang Facebook.

Nanawagan ang DMW sa mga OFW at kanilang pamilya na maging maingat at huwag magpalako. (DDC)