Walong OFWs mula Lebanon nakabalik na ng bansa

Nakauwi na ng bansa ang walong overseas Filipino workers (OFWs) mula Lebanon na nag-avail ng voluntary repatriation program ng pamahalaan.

Dumating sa NAIA Terminal 1 sa Pasay City ang walong OFW.

Pinagkalooban ng financial, medical, at airport assistance ang mga umuwing OFW ng mga tauhan ng Department of Migrant Workers (DMW), Overseas Workers Welfare Administration (OWWA), at MIAA Medical Team.

Bibigyan din sila ng reintegration support ng National Reintegration Center for OFWs (NRCO).

Ang repatriation ng mga OFWs ay bahagi ng nagpapatuloy na hakbang ng pamahalaan para matulungan ang mga OFW na apektado ng kaguluhan sa pagitan ng Lebanon at Israel. (DDC)