Construction worker arestado sa P340K na halaga ng ‘shabu’ sa Pasay City

Naaresto ng mga operatiba ng Drug Enforcement Unit ng Southern Police District (DDEU-SPD) sa koordinasyon ng support units ang isang bagong tukoy na high-value individual (HVI) at nakumpiska ang ₱340,000.00 na halaga ng umano’y shabu sa gitna ng buy-bust operation sa Buendia Road, Pasay City kaninang madaling araw.

Kinilala ang suspek na si alyas John Brian, 36- anyos, construction worker at residente sa Humilidad Street sa nasabing lungsod.

Pinangunahan ni Maj Cecilio G. Tomas Jr. ang nasabing operasyon kasama ang mga tauhan ng District Intelligence Division (DID-SPD), Pasay City Police Station Drug Enforcement Unit (SDEU), at Sub-Station 1 Pasay CPS.

Nakumpiska ng otoridaad ang tinatayang 50 na gramo ng pinaghihinalaang shabu, Android phone, at buy-bust money.

Kasalukuyang nasa kustodiya ng DDEU-SPD ang suspek at nakatakdang sampahan ng kasong paglabag sa Comprehensive Dangerous Drugs Act of 2002. (Bhelle Gamboa)