Las Piñas City Nutrition Office nagsagawa ng feeding program para sa 800 bata sa CAA
Aabot sa 800 na bata sa Barangay BF International/ CAA ang nabigyan ng masustansiyang pagkain sa isinagawang feeding program ng Las Piñas City Nutrition Office, sa CAA Narra Covered Court sa lungsod.
Masayang pumila ang mga bata at tinanggap ang arroz caldo with egg na ipinamahagi ng city staff at volunteers.
Ang programang ito ay bahagi ng Las Pin̈as sa patuloy nitong hakbang upang labanan ang malnutrisyon ng mga bata at siguruhing mayroong access ng mga masusutlstansiyang pagkain sa mga komunidad.
Personal namang umasiste si Mayor-elect April Aguilar sa pamamahagi at malugod na nakisalamuha sa mga bata sa naturang lugar.
Ang partisipasyon ng halal na alkalde ay sumasalamin sa suporta ng administrasyon para sa mga inisyatiba sa nutrisyon at kapakanan ng bulnerableng mga sektor.
Nabatid na ang nasabing feeding program ay kabilang sa pinapanatiling hakbang ng lungsod upang pagandahin ang kalusugan ng mga bata lalo na ngayong panahong walang pasok sa eskwelahan habang hinihikayat naman ang mas malawak na partisipasyon ng komunidad sa pagsusulong ng wastong nutrisyon at pag-unlad ng mga bata. (Bhelle Gamboa)
