Kampanya para sa mas ligtas na kalsada sa bansa umaarangkada

Para sa mithiing paglilikha ng mas ligtas na kalsada sa bansa sa hinaharap at kaalinsabay ng pagdiriwang ng Road Safety Month, inilunsad ng Metro Pacific Tollways South (MPT South) ang tema ng kanyang road safety advocacy campaign na “Drayberks: Ready 4 Safety,” sa Golden Phoenix Hotel sa Pasay City.

Mahigit 100 na stakeholders mula sa mga pampubliko at pribadong sektor ang dumalo sa selebrasyon sa pakikipagtulungan ng national agencies kabilang ang Department of Transportation (DOTr), Toll Regulatory Board (TRB), Land Transportation Office (LTO), Land Transportation Franchising and Regulatory Board (LTFRB), Metropolitan Manila Development Authority (MMDA), PNP Highway Patrol Group Region IV-A, Philippine Reclamation Authority (PRA), at PEA Tollway Corporation (PEATC). Sumama rin sa kaganapan ang mga local government units sa Metro Manila at CALABARZON na kinabibilangan ng mga kinatawan mula sa Taguig, Parañaque, Pasay, Las Piñas, Bacoor, Imus, Kawit, General Trias, Dasmariñas, Silang, Santa Rosa, at Biñan.

Nabatid na naroon din sa selebrasyon ang mga pangunahing transport and terminal partners kasama ang Parañaque Integrated Terminal Exchange (PITX), One Ayala Terminal, and advocacy organizations like ACTO; bus companies gaya ng TAS Trans Corp., Erjohn & Almark Transit Corp. Co., Don Aldrin Transport Inc., Saulog Transit, at Jasper Jean Services Inc.; UV groups na DIPTA-MOA, United 12 Corp., TVTAP; modern at traditional jeepney groups na Paliparan 3, Kapit Bisig Transport, PABODA, CAMBIO, at Universal Transport; at Philippine Multimodal Transport and Logistics Association Inc. Na kumatawan sa logistics sector.

Binigyang-diin ni Mr. Jose Ma. K. Lim, President at CEO ng Metro Pacific Tollways Corporation (MPTC) ang mahalagang ginagampanang papel ng expressway operators hindi lamang sa pagtatayo ng imprastraktura kundi sa pagsusulong ng kultura ng kaligtasan sa kanilang mga kalsada.

“This project is just one of the many ways MPTC demonstrates its unwavering commitment to the safety of all road users. We believe that true progress in road safety comes through collaboration—by working hand-in-hand with government, private partners, and the communities we serve.”

Pinangunahan naman ni Ms. Arlette V. Capistrano, MPT South Vice President for Communication and Stakeholder Management ang paglunsad ng bagong Road Safety Campaign ng MPT South na “Drayberks: Ready 4 Safety” Campaign.

Ang Drayberks program ay unang ipinakilala noong 2018 na patuloy na magandang plataporma para isulong ang disiplina sa kalsada.Sa anim na taon nito, ang Drayberks ay kinilala bilang model road safety program na nagkamit ng Bronze Stevie® Award sa Innovation in Communications/Public Relations category sa 2025 Asia-Pacific Stevie Awards. Nilalayon ng Ready 4 Safety campaign ng MPT South na maabot ang mga drivers sa lahat ng klasipikasyon magmula sa public utility drivers at logistics operators hanggang sa pribadong motorista sa pamamagitan ng updated modules na sumasaklaw sa apat nitong key points: Responsible driving, expressway rules, pre-trip vehicle inspection, and practicing discipline on the road.

“’Ready 4 Safety’ strengthens our promise to equip every driver with the knowledge and values needed to navigate roads safely—not only for their own benefit, but for everyone’s,” pahayag ni Capistrano.

Nagkaisa naman ang mga partisipante na bigkasin ang Drayberks Pledge sa pangunguna ni MPT South OIC Elnora D. Rumawak para sa sama-samang pangangako ng ligtas, disiplinado, at responsableng pagmamaneho.

Sa pagtatapos ng makabuluhang selebrasyon, muling tiniyak ng MPT South ang kanyang misyon na higit pa sa pagtatayo ng mga kalsada ay paglilikha ng isang kultura ng kaligtasan, pananagutan at kahandaan ng isang driver at isang komunidad.

Ang MPT South ay subsidiary ng Metro Pacific Tollways Corporation (MPTC), ang infrastructure arm ng Metro Pacific Investments Corporation (MPIC). Pinamamahalaan nito ang CALAX at CAVITEX networks, gayundin ang concessions para sa North Luzon Expressway (NLEX), NLEX Connector Road, Subic-Clark-Tarlac Expressway (SCTEX), at ng Cebu-Cordova Link Expressway (CCLEX) sa Cebu. (Bhelle Gamboa)