10 kaso ng monkeypox naitala sa South Cotabato

Kinumpirma ng South Cotabato Integrated Provincial Health Office (IPHO) na mayroong sampung kumpiarmadong kaso ng monkeypox o mpox sa lalawigan.

Inanunsyo ito ni Integrated Provincial Health Officer Dr. Conrado Braña sa isinagawang press conference Huwebes (May 22) ng umaga.

Ayon as IPHO, ang mga kaso ng mpox ay naitala sa mga sumusunod na lugar:

1- Banga
1- Koronadal City
1- Tantangan
4 – T’boli
2 – Surallah
1- Lake Sebu

Sa ngayon sinabi ni Braña na isinasailalim sa mahigpit na monitoring ang mga apektadong indbidwal upang maiwasan ang pagkalat pa ng sakit.

Lahat ng kanilang mga nakasalamuha o “closed contacts” ay natukoy na din at minomonitor na ang kanilang kondisyon. (DDC)