Lisensya ng mga driver na sangkot sa road crash sa Negross Occidental at Antique, sinuspinde ng LTO

Patuloy ang Department of Transportation (DOTr) at Land Transportation Office (LTO) sa pagdidisiplina sa mga reckless driver matapos suspendihin ang lisensya ng mga motoristang sangkot sa road crash sa mga probinsya ng Negros Occidental at Antique.

Ang pagsuspinde ng mga lisensya ng dalawang motorista ay tugon ng LTO sa kautusan ni Pangulong Ferdinand Marcos Jr. na tiyakin ang kaligtasan ng bawat komyuter at road user.

Pinatawag ng LTO ang driver ng truck na bumanga sa computer shop sa Barangay Minoyan, Murcia, Negros Occidental na naging sanhi ng pagkamatay ng dalawang bata noong nakaraang Huwebes.

Samantala, pinapatawag din ng LTO ang driver ng white Nissan Urvan na pag-mamayari ng Aklan Tourist MV Shuttle Van Corp at ang driver ng Ceres bus matapos ang insidente noong Lunes sa Pandan, Antique na ikinasawi naman ng isa pang motorista.

Parehong suspendido ang lisensya ng truck at bus driver sa loob ng ng 90-araw. (DDC)