Executive Secretary Lucas Bersamin, iba pang miyembro ng gabinete nagsumite na ng courtesy resignation

Tumugon na ang ilang miyembro ng gabinete sa panawagan ni Pangulong Ferdinand “Bongbong” Marcos Jr. na magsumite sila ng courtesy resignation para mai-recalibrate ang pamahalaan.

Kabilang sa naghain na ng kaniyang courtesy resignation si Executive Secretary Lucas Bersamin.

Sa kanyang liham kay Pangulong Marcos, tiniyak ni Bersamin ang agarang pagsasagwa ng maayos na turnover sa mga natitirang gawain sa kanyang opisina.

Agad ding nagsumite ng kaniyang courtesy resignation si Department of Transportation (DOTr) Sec. Vince Dizon.

Nagpasa na rin ng kanyang courtesy resignation si Agriculture Secretary Francisco Tiu Laurel Jr. at sinabing ipinauubaya niya sa pangulo ang pagtukoy kung magpapatuloy siya bilang kalihim ng DA.

Narito naman ang iba pang miyembro ng gabinete na nagsumite na din ng resignation at nagpahayag ng kahandaang mabitiw sa pwesto:

DOF Secretary Ralph Recto
DSWD Sec. Rex Gatchalian
DEPDev Secretary Arsenio Balisacan
TESDA Director General Kiko Benitez
DMW Secretary Hans Cacdac
DBM Secretary Amenah Pangandaman
MMDA Chairman Romando Artes
DOT Secretary Cristina Frasco
DILG Sec. Jonvic Remulla