Mga kandidato noong nagdaang eleksyon obligadong maghain ng SOCE, panalo man o talo – Comelec

Pinaalalahanan ng Commission on Elections (Comelec) ang lahat ng kumandidato sa nagdaang May 12 National and Local elections na magsumite ng kanilang Statement of Contributions and Expenditures (SOCE).

Ayon kay Comelec Chairman George Erwin Garcia, kasama sa kailangang magsumite ng SOCE ang mga kumandidato, nanalo man o natalo.

Maging ang mga kandidatong nag-withdraw ng kanilang kandidatura pagkatapos ng March 28 ay obligadong mag-file ng SOCE sa Comelec.

Sinabi ni Garcia na ang mga isusumiteng SOCE y isasapubliko sa website ng Comelec.

Makikita aniya sa SOCE kung kanino galing ang kontribusyon, magkano ang halagang ibinigay, paano ginastos, at saan ginastos. (DDC)