SP Chiz Escudero nakiisa sa panawagan ni Pang. Marcos na isantabi na ang hidwaan sa pulitika

Sinegundahan ni Senate President Chiz Escudero ang panawagan ni Pangulong Ferdinand “Bongbong” Marcos Jr. na isantabi na ang pulitika at ituon ang pansin sa mga pangangailangan ng ating mga kababayan.

Ayon kay Escudero hindi pwedeng puro pulitika ang pagtuunan ng pansin habang maraming pangangailangan ang mamamayan.

Pinuri din ni Escudero ang pahayag ni Pangulong Marcos na handa siyang makipag-ayos kay Vice President Sara Duterte at sa Duterte family.

Ayon sa senate president ang hakbang na ito ng pangulo ay pagpapakita na ang kapakanan ng mamamayan ang dapat na laging inuuna at dapat isantabi ang personal differences at partisan disputes. (DDC)