Senator-elect Ping Lacson itinangging nakipagpulong siya kay VP Sara Duterte

Itinanggi ni Senator-elect Panfilo Lacson ang mga lumalabas na ulat na nakipagkita siya kamakailan kay Vice President Sara Duterte.

Sa pahayag sinabi ni Lacson na walang katotohanan at malisyoso ang ipinakakalat na balita.

Sinabi ni Lacson na bilang elected senator at may potensyal maging senator-judge siya sa impeachment trial laban sa bise presidente, hindi naaayon na makipagkita siya dito.

Si VP Sara aniya ay respondent sa isang impeachment case na nai-transmit na sa senado.

Gayunman, ayon kay Lacson, sa normal na sirkumstansya, wala naman siyang nakikitang mali kung ang bagong halal na senador o congressman ay mag-courtesy call sa ikalawa sa pinakamataas na opisyal ng bansa.

Ginawa na aniya ito noon nang siya ay manalong senador noong 2016 kung saan nag-courtesy call siya kay dating Vice President Leni Robredo. (DDC)