DPWH gagamit ng pet bottle waste sa pag-aaspalto ng mga lansangan

Inaprubahan ng Department of Public Works and Highways (DPWH) ang paggamit sa polyethylene terephthalate (PET) plastic bottle waste para mas maging matibay ang aspalto sa mga kalsada.

Ayon sa DPWH, pagsunod ito sa utos ni Pangulong Ferdinand R. Marcos Jr. para maisulong ang pagtatayo ng resilient at sustainable infrastructure.

Nilagdaan ni DPWH Secretary Manuel M. Bonoan ang Department Order hinggil sa paggamit ng plastic waste material partikular ang PET plastic bottle waste.

Ang plastic waste mixture ay bahagi na ngayon ng DPWH Standard Specification for Highways, Bridges, and Airports at kasama na sa Project and Contract Management Application ng ahensya. (DDC)