Pasaherong papuntang Japan nahulihan ng baril sa NAIA Terminal 1

Hinarang ng mga otoridad ang isang pasahero na patungong Kansai, Japan matapos makita ang hugis armas na nasa bagahe nito sa NAIA Terminal 1.

Katuwang ang mga tautahan ng Philippine National Police Aviation Security Group (PNP AVSEGROUP) agad ininspeksyon ang bagahe ng pasahero at doon nadiskubre ang dalawa nitong baril na may pitong bala.

Ayon kay OTS Administrator Undersecretary Arthur Bisnar, maliban sa mahigpit na ipinagbabawal ang pagdadala ng armas sa mga paliiparan ay umiiral pa rin sa ngayon ang Comelec Gun Ban.

Nai-turnover na sa PNP VSEGROUP ang armas at mga bala.

Sa ilalim ng Customs Tariff Law ng Japan kung saan sana patungo ang nahuling pasahero, ang pagpasok sa kanilang bansa ng handguns, military rifles, machine guns, guns at mga bala ay mayroong parusang 5-taong pagkakakulong o multa na na aabot sa 30 million yen o katumbas ng P11,378,106. (DDC)