PNP-CALABARZON hinimok ang mga botante na i-report sa pulisya ang mga insidente ng vote buying at vote selling

Hinikayat ng Police Regional Office – Calabarzon ang mga botante na ireport sa pulisya ang anumang insidente ng vote buying o vote selling.

Ayon kay PRO4A Regional Director Paul Kenneth T. Lucas, alinsunod sa direktoba ng Commission on Elections (Comelec) ay hindi mangingiming arestuhin ang sinumang mahuhuling nagsasagawa ng vote buying.

Sinabi ni Lucas na pinalakas na rin ang operasyon ng PRO-Calabarzon at pinakilos ang kanilang mga tauhan para mahigpit na magbantay at aksyunan ang anumang pandaraya sa eleksyon.

Paalala ni Lucas sa mga botante, na pangalagaan ang kanilang karapatang pumili ng nararapat na lider ng bayan at isulong ang malinis at tapat na halalan. (DDC)