Comelec Chairman Garcia nag-inspeksyon sa mga polling precincts sa Silang, Cavite

Maagang nagbukas ang botohan para sa mga senior citizen may kapansanan at mga buntis ngayong eleksyon May 12.

Personal na nagtungo si Comelec Chairman Erwin Garcia sa Silang Central Elementary School sa lalawigan ng Cavite para tingnan ang proseso ng early voting.

Ayon kay Garcia karamihan sa mga nakatatandang bumoto ng maaga sa nasabing paaralan ay mga magsasaka pa sa bukid kaya laking ginhawa sa kanila na maaga silang nakaboto.

Gaya nuong mga nagdaang eleksyon nagkaroon pa rin ng prpblema gaya ng paghahanap ng polling precinct pero ayon kay Garcia normal lamang ito lalo na sa mga presinto na pinagsama o ‘yung clustered precincts.

Agad din naman aniyang natutulungan ang mga botante na mahanap ang kanilang precinct number. (DDC)