Immigration e-gates ilalagay sa departure at arrival areas ng NAIA

Maglalagay na ng electronic gates sa Ninoy Aquino International Airport (NAIA) para mas mapabilis ang immigration processing sa mga pasahero.

Ginawa ni Transportation Secretary Dizon ang pahayag kasunod ng ginawa niyang inspeksyon sa NAIA particular sa immigration area.

Ayon kay Dizon, ang paglalagay ng e-gates ay bahagi ng layunin ng pamahalaan na mas maiayos ang travel experience ng mga biyahero.
Ayon kay Dizon, inaasahang magagamit na ang e-gates bago ang Christmas Season na ilalagay sa arrival at departure areas.

Nagpasalamat naman si Dizon kina Justice Secretary Jesus Crispin Remulla at Bureau of Immigration (BI) Commissioner Joel Anthony Viado sa tulong nito para mapalitan ang mga lumang e-gate. (DDC)