Pitong bus terminal na ipinasara ng LTFRB sa Pasay City pinadalhan ng Show Cause Order

Nagpalabas ng show cause orders (SCOs) ang Land Transportation Franchising and Regulatory Board (LTFRB) laban sa pitong bus terminals sa Pasay City.

Sa nasabing show cause order, inatasan ng LTFRB ang management ng mga bus terminal na sumunod sa mga regulasyon bago sila mapayagang makapag-operate muli.

Ayon kay LTFRB Chairperson Atty. Teofilo Guadiz III, ang pagpapasara sa mga terminal ay para matiyak ang kaligtasan ng publiko at mga pasahero.

Sinabi niGuadiz na hindi papayagang magbukas muli ang mga terminal kung mabibigo silang makasunod sa meet minimum standards.

Kabilang sa mga pinadalhan ng SCO ang sumusunod na terminal ng bus sa Pasay City:

1. HK Sun Plaza Terminal
2. DLTB Terminal
3. JAC Liner Terminal
4. BBL Transit Terminal
5. JAM Liner Terminal
6. Genesis Terminal
7. Philtranco Terminal

Kabilang sa mga nakitang paglabag ng LTFRB ay ang kawalan ng valid permits, hindi sapat ang passenger facilities, hindi pagsusumite ng terminal compliance documents, at kabiguang makipag-ugnayan sa Pasay City government.

Binigyan lamang ng LTFRB ang mga terminal operators ng limang araw para magpaliwanag. (DDC)