High-Value Individual timbog sa halos P900K na halaga ng shabu sa Taguig City

Napasakamay ng mga operatiba ngTaguig City Police – Station Drug Enforcement Unit (SDEU) ang isang high-value individual (HVI) at nakumpiska ang halos P900,000 na halaga ng umano’y shabu sa Ikinasang buy-bust operation sa harapan ng isang bahay sa Barangay West Rembo ng lungsod.

Ang naarestong suspek ay kinilalang si alyas Gilbert, 44-anyos.

Nakumpiska ng otoridad ang tinatayang 126.3 na gramo ng hinihinalang shabu na nagkakahalaga ng P858,840.00, buy-bust money at eco bag.

Agad itinurn-over ang mga ebidensiya sa Southern Police District (SPD) Forensic Unit para sa laboratory analysis.

Nakatakdang sampahan ng kasong paglabag sa Republic Act 9165 o mas kilala sa tawag na Comprehensive Dangerous Drugs Act of 2002 ang suspek sa Taguig City Prosecutor’s Office.

Pinuri ni BGen Joseph R. Arguelles, Acting District Director ng SPD ang mabilis na aksyon ng Taguig SDEU.

“The arrest of this High-Value Individual underscores our commitment to dismantling drug syndicates and ensuring the safety and well-being of our communities,” sabi ni BGen Arguelles. (Bhelle Gamboa)