BuCor at Bureau of Plant Industry magtutulungan sa food security program ng gobyerno
Magtutulungan ang Bureau of Corrections (BuCor) at Bureau of Plant Industry (BPI) bilang suporta sa pagpapaganda ng food security program ng gobyerno.
Sa naganap na pag-uusap nina BuCor Director General Gregorio Pio P. Catapang Jr. at BPI Director Glen Panganiban, Ph D na bahagi ng kanilang hakbang ang paggamit ng mga bakanteng lote ng BuCor upang gawing produktibong espasyong agrikultura aatmakabahagi ang mga nakakulong na indibiduwal sa makabuluhang trabaho.
Hinirit din ni Catapang ang kahusayan ni Panganiban sa angkop na mga pang-agrikulturang pananim para sa malalawak na mga lupain ng BuCor.
“We have massive resources of vacant lots in our operating and prison farms nationwide that we really intend to develop and this initiative presents a dual opportunity: enhancing productivity while also aiding rehabilitation, offering a pathway for inmates to reintegrate into society post-release with newfound skills and experience,” sabi ni Catapang.
Idinagdag pa ni Catapang na layunin nitong maisama ang mga persons deprived of liberty sa prosesong transpormasyon at bigyan sila ng BuCor hindi lamang ng mahalagang kakayanan kundi mapangalaan ang kanilang intensiyon at kontribusyon sa lipunan.
Nagbahagi ng pananaw via zoom si Department of Agriculture Assistant Secretary for Export Development Philip Young upang palakasin ng BuCor ang potensiyal na tungkulin sa horticultural market kung saan binigyang-diin nito ang kailangang mga pananim at iminungkahing piliin ang mga tanim na maaabot ang pangangailangan sa merkado habang tinitiyak ang pagpapanatili nito.
“The BPI is willing to collaborate with Bucor to provide its expertise and technology needed to help the Bucor innovation in governance and its proactive approach in utilizing available resources to contribute positively to the nation’s food security, a pressing issue in today’s socio-economic climate,” pahayag ni Panganiban.
Ayon pa kay Catapang sa pamamagitan ng ganitong mga inisyatiba, ang BuCor ay hindi lamang magbabago ang imahe nito kundi magiging mahalaga ang malaking ambag sa pambansang mithiin, palalakasin ang mas malusog na lipunan kung saan magkakasama ang rehabilitasyon at agrikulturang progreso. (Bhelle Gamboa)
