Binabantayang LPA ng PAGASA sa Cebu, hindi magiging bagyo sa susunod na 24-oras ayon sa PAGASA

Mayroon pang isang Low Pressure Area (LPA) na binabantayan ang PAGASA sa loob ng bansa.

Umaga ngayong Miyerkules, May 7, 2025, ang LPA ay namataan sa coastal waters ng Tuburan, Cebu.

Ayon sa PAGASA maliit ang tsansa na mabuo bilang ganap na bagyo ang nasabing LPA sa susunod na 24-oras.

Samantala, ang Metro Manila at mga kalapit nitong mga lalawigan ay apektado ng thunderstorms.

Ayon sa PAGASA, passado alas 11:00 ngayong umaga ay nakararanas ng malakas na pag-ulan na may pagkulog, pagkidlat at malakas na hangin sa Rizal, Metro Manila, Laguna, Cavite, Batangas, Nueva Ecija, Bulacan, Pampanga at Tarlac. (DDC)