Comelec hiniling sa Malakanyang na ideklarang holiday ang May 12 elections

Pormal na hiniling ng Commission on Elections (Comelec) sa Malakanyang na ideklarang holiday sa buong bansa ang May 12, 2025 elections.

Ayon kay Comelec Chairman George Erwin Garcia, ang hiling nilang ito kay Pangulong Ferdinand Marcos Jr. ay para matiyak na mabibigyang pagkakataon ang lahat ng mga botante na makaboto.

Bagaman ang mga nagdaang eleksyon ay naidedeklara naming holiday, sinabi ni Garcia na kailangan pa rin ng ng deklarasyon mula sa Office of the President.

Gaganapin ang National and Local Elections sa May 12 mula 7:00 ng umaga hanggang 7:00 ng gabi.

Magkakaroon din ng Early Voting Hours para sa Senior Citizens, Persons with Disability at mga buntis mula 5:00 ng umaga hanggang 7:00 ng umaga. (DDC)