Kumakalat na graphics sa social media hinggil sa paglilipat ng petsa ng midterm elections, fake news ayon sa Comelec

Mariing pinabulaanan ng Commission on Election (COMELEC) ang kumakalat na graphics kaugnay sa paglipat ng Midterm Elections sa May 10, 2025.

Sinabi ng COMELEC, hindi galing sa kanila ang naturang “graphics” at hindi rin ito ipinaskil o uploaded sa kanilang official at verified social media channels.

Nilinaw naman ng COMELEC, tuloy ang botohan para sa National and Local Elections na sa May 12, 2025 mula 7:00 AM hanggang 7:00 PM.

Meron ding Early Voting Hours para sa Senior Citizens, Persons with Disability (PWD) at Pregnant Voters mula naman sa oras na 5:00 AM hanggang 7:00 AM.

Pinaaalalahanan ng Komisyon ang publiko na ang pagpapakalat ng ‘false at alarming information’ ay isang Election Offense sa ilalim ng Section 261(z)(11) ng Omnibus Election.

Nanawagan naman ang Komisyon sa publiko na iwasan ang pagpapakalat ng maling balita at i-verify o tiyakin sa kanilang official COMELEC sources ang balitang mababasa. (JR Narit)