Target vessel na palulubugin sana bilang bahagi ng “Balikatan Missile Exercise” nauna nang lumubog bago maisagawa ang drill

Lumubog agad ang decommissioned na barko ng Philippine Navy na gagamitin sana bilang “target ship” at palulubugin sa isasagawang Balikatan Missile Exercise o MARSTRIKE.

Dahil dito, inanunsyo ng Armed Forces of the Philippines na kansealdo ang MARSTRIKE live fire drill na dapat gagawin ngayong araw ng Lunes, May 5.

Ang dating BRP Miguel Malvar ay dinala sa karagatan sa bahagi ng 30 nautical miles west ng San Antonio, Zambales na lokasyon sana ng gagawing MARSTRIKE.

Gayunman, dakong 7:20 ng umaga ay lumubog ang barko.

Wala namang nasugatang tauhan sa nasabing insidente.

Bago dinala sa lugar ang target vessel, sumailalim ito sa environmental cleaning at preparation para sa MARSTRIKE.

Napili ang naturang barko para gamitin bilang target vessel dahil lagpas na ito sa sa kaniyang service life at hindi na maaaring gamitin para sa normal operations.

Ayon sa AFP, itutuloy pa rin ang MARSTRIKE bilang bahagi ng Balikatan Exercise kung saan inaasahan na ang mga sundalo ng Pilipinas at U.S. joint task forces ay magsasagawa ng virtual at constructive fire missions. (DDC)