Regular na mandatory drug tests sa mga driver ng PUVs ipatutupad ng DOTr

Dahil sa sunud-sunod na aksidenteng naganap na nagresulta sa pagbubuwis ng buhay ng marami inatasan ni Pangulong Ferdinand Marcos Jr. ang Department of Transportation (DOTr) na ayusin ang problema sa sistema para matiyak ang kaligtasan sa lansangan.

Ipinag-utos na ni Transportation Secretary Vince Dizon ang regular na pagsasagawa ng mandatory drug tests para sa lahat ng driver ng public utility vehicle (PUV).

Epektibo ito sa layong madaling panahon.

Inatasan din ni Dizon ang Land Transportation Franchising and Regulatory Board (LTFRB) at ang Land Transportation Office (LTO) na baguhin ang maximum number ng consecutive driving hours ng mga driver ng pampasaherong bus na lilimitahan na lamang sa 6 hanggang 4 na oras.

Istrikto ding ipatutupad ang road safety checking sa lahat ng mga sasakyan, ipatutupad ang speed limiter law, at ang agad na pagsuspinde sa driver’s license ng mga abusadong motorista.

Dalawang magkasunod na aksidente sa lansangan ang naganap na nagresulta sa pagkamatay ng marami.

Una ay ang pagbangga ng pampasaherong bus sa mga sasakyan na nakapila sa SCTEX toll plazana ikinasawi ng 12 katao.

Ang ang pag-araro ng isang sports utility vehicle sa entrance ng Ninoy Aquino International Airport (NAIA) Terminal 1, kung saan 2 naman ang nasawi. (DDC)