Pagkakaloob ng wage hike kailangang masusing pag-aralan ayon kay Pang. Marcos

Sinabi ni Pangulong Ferdinand Marcos Jr. na kailangang masusing pag-aralan ang pagkakaloob ng wage hike dahil may epekto din ito sa ekonomiya ng bansa.

Sa kaniyang speck sa 123rd Labor Day celebration sa Pasay City, bagaman masarap pakinggan ang pangakong wage hike, kailangan ng masusing pag-aaral dito dahil may epekto ito sa paglago ng Negosyo, trabaho at ekonomiya.

Tiniyak din ng pangulo na batid ng pamahalaan ang mga panawagan ng mga manggagawa at siniguro nitong tutugunan ito ng gobyerno sa pamamagitan ng Regional Tripartite Wages and Productivity Boards.

Patuloy aniya ang paninindigan ng kaniyang administrasyon na protektahan ang kapakanan ng mga manggagawa kasabay ng pagsusulong ng inclusive economic development.

Ayon sa Department of Employment (DOLE), ngayong buwan ay sisimulan na sa ilang mga rehiyon sa bansa ang pagsasagawa ng review sa umiiiral na minimum wage rates sa kanilang lugar.

Sakali naming maipasa sa kongreso at maaprubahan ni Pangulong Marcos ang P200 legislated wage hike ay handa itong ipatupad ng DOLE. (DDC)