Simbahan na ginagamit bilang “front” para sa illegal recruitment, ipinasara ng DMW at NBI

Department of Migrant Workers (DMW) kaktuwang ang National Bureau of Investigation (NBI) ang isang simbahan sa Baras, Rizal na ginagamit bilang “front” sa pagsasagawa ng illegal recruitment.

Sinalakay ng mga otoridad ang Faithful Promise Foundation Philippines Inc., sa Santo Niño Compound, Sitio Paenaan, Baras, Rizal.

Kasunod ito ng utos ni Migrant Workers Secretary Hans Leo J. Cacdac na ipasara ang establisyimento dahil sa ilegal na pagre-recruit ng mga manggagawa patungong Japan, Korea, at Papua New Guinea.

Ang simbahan nak ilala din sa tawag na Faithful Promise of Jesus Christ the Greatest Master Phil. Inc., at Faithful Promise Church in the Philippines ay nambibiktima ng kanilang mga parishioners.
Ayon kay DMW Undersecretary Bernard P. Olalia, nauna nang nagsagawa ng serye ng surveillance operations na nagresulta sa pagkakaaresto ni Pastora Esclarmonde Estrada Basalio.

Ani Olalia, mismong mga miyembro ng simbahan ang nagsumbong na sila ay nirecruit, pinagbayad ng malaking halaga, pero kalaunan ay hindi nakaalis.

Ayon kay Czar Eric Nuqui, hepe ng NBI Cavite North District Office, umabot sa P50,000 kada biktima ang sinisingil na processing fee.

Kabilang sa ipinangakong mga trabaho ay bilang factory workers, tea pickers, clerks, accountants, mechanical engineers, at construction workers sa Japan, Korea, at Papua New Guinea na may sweldo umanong aabot sa P36,000 hanggang P120,000.

Tinuruan ang mga biktima na magpanggap bilang mga missionary worker para maisyuhan sila ng tourist visa, gayunman, marami na kanila ang na-offload habang ang ibang nakabayad na ay hindi pa rin nakaaalis. (DDC)