CAAP nagpalabas ng NOTAM sa bahagi ng Bulusan Volcano

Nagpalabas ng Notice to Airmen (NOTAM) ang Civil Aviation Authority of the Philippines (CAAP) hinggil sa pagpapalipad ng eroplano malapit sa bahagi ng Bulusan Volcano.

Kasunod ito ng pag-aalburuto ng bulkan na nagbuga ng makapal na abo umaga ng Lunes, Apr. 28.

Ayon sa NOTAM na epektibo mula umaga ng Lunes hanggang umaga ng Martes, Apr. 29 pinayuhan ang mga piloto na mag-ingat sa pagpapalipad ng eroplano sa bahagi ng Mt. Bulusan na may vertical limits na 21,000 feet mula sa surface nito.

Paalala ng CAAP sa mga flight operators iwasan ang pagpapalipad ng eroplano malapit sa bulkan dahil sa posibleng pagkakaroon pa ng sudden explosive eruptions. (DDC)