DMW naglabas ng hotline numbers para sa OFW at pamilya na mangangailangan ng tulong kasunod ng trahedya sa Lapu-Lapu Day Block party sa Vancouver

Nagpaabot ng pakikiramay ang Department of Migrant Workers (DMW) sa pamilya ng mga biktima sa trahedya sa Lapu-Lapu Day Block Party sa Vancouver, British Columbia, Canada.

Ayon sa ahensya, inatasan sila ni Pangulong Ferdinand R. Marcos Jr., na maghanda sa pagkakaloob ng tulong at suporta sa mga biktima sa insidente.

Tiniyak naman ng DMW na ang kanilang Migrant Workers Office (MWO) sa Vancouver ay nakikipag-ugnayan na sa Department of Foreign Affairs (DFA) at sa Philippine Consulate General sa Vancouver, gayundin sa mga otoridad sa Canada.

Para sa mga nangangailangan ng agarang tulong, maaaring tumawag sa sumusunod na hotline:

Assistance-to-Nationals Hotline: +1 604 653 5858
Migrant Workers’ Office Hotline: +1 604 767 3354
Vancouver Police Department Victim Support: +1 800 563 0808
For families of OFWs in Vancouver and Western Canada: DMW-OWWA Hotline 1348. (DDC)