Dalawang malakas na pagyanig magkasunod na tumama sa Calayan, Cagayan
Dalawang magkasunod na lindol ang tumama sa lalawigan ng Cagayan madaling araw ng Lunes, April 28.
Ayon sa Phivolcs naitala ang magnitude 5.5 na lindol sa 13 kilometers northwest ng Dalupiri Island sa Calayan, 12:54 ng madaling araw.
15 kilometers ang lalim nito at tectonic ang origin.
Naitala ang Intensity V sa Calayan Island, Cagayan at Intensity III sa Pagudpud, Pasuquin, Bacarra, Laoag City at San Nicolas Ilocos Norte.
Nasundan ito ng mas malakas pang magnitude 5.8 na lindol sa 73 kilometers northwest ng Dalupiri Island, 1:18 ng madaling araw.
48 kilometer naman ang lalim ng ikalawang pagyanig at tectonic din ang origin.
Naitala naman ang sumusunod na intensities:
Intensity V – Calayan, CAGAYAN
Intensity IV – Pasuquin, Bacarra, and San Nicolas, ILOCOS NORTE
Intensity III – City of Batac, ILOCOS NORTE (DDC)
