Higit 400 na residente ng Manuyo Dos, naserbisyuhan ng Health and Wellness Caravan ng Las Piñas LGU
Mahigit 400 na residente ng Barangay Manuyo Dos ang nakatanggap ng libreng serbisyong medikal mula sa programang pangkalusugan ng Pamahalaang Lungsod ng Las Piñas sa pamamagitan ng kanyang Health and Wellness Caravan na ginanap sa Green Valley Covered Court.
Kabilang sa mga serbisyong alok ng caravan ay ang libreng medical consultations, blood pressure checks, cholesterol and blood sugar testing, ECG, X-ray, dental services, at pneumococcal vaccination para sa senior citizens.
Bukod dito nakakuha rin ng access ang mga residente ng nutrition counseling, Green Card help desks, mobile birth registration, at PhilHealth registration.
Naging matagumpay ang nasabing caravan sa pamamagitan ng liderato nina Mayor Mel Aguilar at Vice Mayor April Aguilar sa koordinasyon ng City Health Office at mga katuwang na departamento.
Mahalaga rin sa tagumpay ng programa ang pagtulong ng mga frontliners, barangay health workers, at volunteer professionals upang magbigay ng suportang pangkalusugan sa komunidad.
Binigyang-diin naman ni CHO chief Dr. Juliana Gonzalez ang kahalagahan ng ganitong caravan upang palakasin ang preventive care at mas nailalapit ng lokal na pamahalaan ang health programs sa komunidad.
“Initiatives like these help identify health risks early and provide timely intervention to residents who may not regularly access medical services,” sabi ni Dr. Gonzalez. (Bhelle Gamboa)
