NFA naitala ang pinakamataas na imbentaryo ng buffer stock ng bigas

Naitala ng National Food Authority (NFA) ang pinakamataas na imbentaryo nito ng buffer stock ng bigas sa nakalipas na 5 taon.

Ayon sa NFA, mayroong buffer stock ng bigas na aabot sa 7.17 million na sako ng 50-kilogram ng milled rice. Sapat itong pangkain sa lahat ng mga Filipino sa loob ng siyam na araw.

Ito na ang pinakamataas na inventory level ng NFA mula noong taong 2020.

Sa kabila ng mataas na stockpile, sinabi ni NFA Administrator Larry Lacson na mayroong sapat na pondo ang ahensya para makabili ng mas maraming palay sa mga local na magsasaka.

Ayon kay Lacson, kaya pang makabili ng NFA ng nasa 500,000 metric tons ng palay o katumbas ng 6.3 million na sako ng milled rice.

Sa ilalim ng revised Rice Tariffication Law (RTL), inaatasan ang NFA na magkaroon ng 15-day national rice buffer stock na mas mataas kumpara sa dating 9-day requirement.

Ang mga bigas na ito ay dapat na kuhanin ng NFA mula sa mga local na magsasaka.

Patuloy din ang pag-upgrade ng NFA sa storage infrastructure nito kabilang ang mga warehouse at handling facilities para mapagkasya ang hanggang 880,000 metrics tons ng palay. (DDC)