DOLE mamamahagi ng P2.1B na halaga ng tulong sa mga manggagawa sa Labor Day

Nakatakdang magkaloob ng P2.1 Billion na halaga ng tulong ang Department of Labor and Employment (DOLE) sa mga manggagawa sa iba’t ibang panig ng bansa sa May 1, Labor Day.

Ito ay sa ilalim ng Tulong Panghanapbuhay sa Ating Disadvantaged Workers (TUPAD) Program at DOLE Integrated Livelihood Program (DILP) ng ahensya.

Ayon sa DOLE, hanggang noong Miyerkules, Apr. 23 ay nakapagpalabas na ang ahensya ng P356.7 Million na halaga ng tulong para sa 16,419 beneficiaries ng DILP.

Habang nakatakda namang i-release ng DOLE ang P1.79 Billion para sa mahigit 329,000 beneficiaries ng TUPAD.

Sa Labor Day, magkakaroon din ng 62 Kadiwa ng Pangulo sites sa iba’t ibang lugar sa bansa kung saan maaaring makabili ng mga agricultural products sa abot-kayang halaga. (DDC)