671 na driver’s license sinuspinde bunsod ng mga nangyaring road accidents at drug-related offenses nitong nagdaang Holy Week

Umabot sa 671 na driver’s license ang nasuspinde ng Land Transportation Office (LTO) nitong nagdaang Holy Week dahil sa pagkakasangkot ng mga driver sa aksidente sa lansangan at drug-related offenses.

Ayon kay LTO Chief Assistant Secretary Atty. Vigor D. Mendoza II, ang mga driver na pinatawan ng suspensyon sa kanilang driver license ay kabilang sa mga nasangkot sa aksidente nitong nagdaang Holy Week habang ang iba ay nagpositibo sa mga isniagawang drug testing.

Nakatakda ding mag-isyu ang LTO ng 1,165 show cause orders (SCOs) sa mga may-ari ng sasakyan na bumagsak sa random road worthiness inspections na ginawa noong Semana Santa.

Ayon kay Department of Transportation (DOTr) Sec. Vince Dizon, ito ang unang pagkakataon na umabot sag anito karami ang napatawan ng parusa ng LTO na bahagi ng pagtitiyak ng ahensya sa kaligtasan ng mga commuter.

Sa datos ng LTO, sa 671 na nasuspindeng driver’s licenses, 574 dito ay nasangkot ang mga driver sa road accidents kung saan may mga nasugatan at nasawi.

Nasa 97 na driver’s licenses naman ang nasuspinde matapos na ang drover ay magpositibo sa random at surprise drug test na ginawa ng Philippine Drug Enforcement Agency (PDEA) noong Holy Week.

Samantala, binawian naman na ng driver’s license ang driver ng overspeeding bus sa La Union na ang video ay nag-viral sa social media. (DDC)