Kaso ng dengue sa QC umakyat na sa 4,680

Umabot na sa 4,680 ang naitalang kaso ng dengue sa Quezon City mula Jan. 1 hanggang Apr. 22 2025.

Batay sa Quezon City Dengue Surveillance Update, ang nasabing bilang ay mas mataas ng 314 percent kumpara sa naitalang kaso ng dengue sa parehong petsa noong 2024.

Umabot na din sa 13 ang bilang ng nasawi sa lungsod dahil sa sakit.

Karamihan sa mga naapektuhan ng dengue ay mga batang edad 10 pababa na umabot sa 2,407.

Paalala ng QC LGU, panatilihing malinis ang kapaligiran para maiwasan ang pamumugad ng lamok.

Agad ding magpakonsulta sakaling makaranas ng sintomas gaya ng lagnat, pananakit ng ulo at rashes. (DDC)