Pagbabalik ng sigla ng mga magsasaka sa bayan ng Buenavista, Quezon panawagan ni VM Alvin Rivera

Ibalik ang sigla ng mga magsasaka sa bayan ng Buenavista.

Ito ang naging panawagan ni Vice Mayor Alvin Rivera ng Buenavista, Quezon na kailangan pahalagahan pa lalo ang kabuhayan ng mga magsasaka sa pamamagitan ng kanyang inisyatibo at sustenableng programa sa mga mekanismong pang matagalan na mas lalo pang maiangat at mas madami pang aanihin ang mga magsasaka na hindi pa lugi.

Sa pakikipagtulungan ng tanggapan ni Rivera sa Department of Agriculture Philrice Los Banos ganun din sa National Government na mapag-aralan ang mga bagong binhi na mas higit triple ang kita ng mga local farmers kaya naman kahit personal na gastusin ng bise alkalde ay inilaan nito para mas higit na matulungan ang mga magsasaka ng kanilang bayan.

Ayon kay Dr. Fidel M. Ramos, Senior SRS DA Philrice Isabela na malaking tulong ito sa mga magsasaka ang ganitong programa na magiging Kauna-unahan sa Calabarzon na magiging Seeds Producer ang Bayan ng Buenavista sa Hybrid Seeds Production kasabay nito ang paglulunsad ng Public Hybrid Mestizo 99 na nauna pa rito ang Mestizo 20 na naging epektibo sa kanilang lugar na napapakinabangan na ng kanilang mga kababayan.

Aniya, maganda ang panahon o temperatura ng Buenavista na kasing tulad umano sa Davao Region dahil sa buong bansa ay Davao pa lang ang unang Seeds Producer sa buong bansa kaya’t nadiskubre ng mga opisyales na naging epektibo ang unang dry run at ngayon napapakinabangan na ng ilang magsasaka sa naturang bayan.

Kaya’t nitong araw ng martes ay pinasinayaan nito ang bagong binhi na Public Hybrid Mestizo 99 na dinaluhan ng mahigit 200 na mga magsasaka na sanib pwersang nagkakaisa ang mga Hagonghong rice farmers na ginanap sa Barangay Hagonghong, Buenavista, Quezon nitong araw ng Martes, Abril 22, 2025.

Layunin ng DA-Philrice Los Baños at ng mga opisyales nito katuwang si dating Technician ng Agriculture na si Ma’am Nanelle Quinto na nagfacilate sa naturang kaganapan sa pamamagitan ng inisyatibong programa ng kanilang bise alkalde upang matulungan na maiangat pa lalo at mas lalo pang sumigla ang kabuhayan ng mga Rice Farmers sa naturang bayan.

Ikinatuwa naman ni Vice Mayor Alvin Ray Uri Rivera na tumatakbong Mayor ng nasabing Bayan sa mga nakiisang rice farmers upang masubukan at matutunan ang ganitong bagong mekanismo sa pagtatanim.

Sa katunayan, mismong si Ma’am Rosalinda Enopiquez, Isa sa mga Operator ng Hogonghong Bilal Rice Farmers Irrigators Association Inc. ng Buenavista na ibinida nito ang kanyang magandang karanasan sa pagtatanim ng Mestizo 20 na nakapag harvest siya halos tripleng kita o halos apat na tonelada kumpara sa dating binhi na kanyang ginagamit na regular ay halos lugi pa sila.

Hinikayat naman nina Vice Mayor Rivera at Dr. Fidel M. Ramos ng DA Philrice Isabela na tangkilikin ang sariling atin na mas kikita ang mga magsasaka at kailangan lamang dito ang tulong ng lokal na pamahalaan sa pamamagitan ng tamang dessimination o anumang mga trainings upang matutunan ang Tamang proseso sa pagtatanim.

Ibinahagi rin ng bise alkalde ang kanyang karanasan kung paano siya na engganyo sa ganitong mekanismo kahit saang sulok sa bansa ay pinupuntahan niya ang mga training seminars patungkol sa proseso ng pagpapalaki ng Seeds Mestizo 20 at 99 upang mas lalalim ang kanyang kaalaman patungkol dito.

Dagdag pa ni Rivera, nakahanda ang kanyang tanggapan sa pagsuporta sa kanyang mga kababayang magsasaka na in the future magiging sentro sa kalakalan o seeds Producer ang kanilang bayan sa buong Probinsya ng Quezon at ganun din sa buong Calabarzon. (JR Narit)