1 patay, 4 PDEA agents sugatan sa Parañaque buy-bust ops, P27-milyong halaga ng shabu nakumpiska
Patay ang isang suspek habang sugatan ang apat na agents ng Philippine Drug Enforcement Agency (PDEA)- National Capital Region nang mauwi sa enkwentro ang ikinasang buy-bust operation sa 506 A, Goodwill Subdivision, Barangay San Antonio, Parañaque City nitong Abril 9.
Kasalukuyang inaalam ng otoridad ang pagkakakilanlan ng isang suspek na agad binawian ng buhay sanhi ng tinamong tama ng bala sa iba’t ibang bahagi ng katawan.
Habang nasugatan naman sa kasagsagan ng palitan ng putok ang apat na PDEA agents sa naturang lugar.
Kaaagad naaresto ang tatlo pang suspek sa gitna ng operasyon.
Ayon sa inisyal na report, nakumpiska ang tinatayang P27,000,000.00 na halaga ng umano’y shabu, buy-bust money, at isang .9mm na baril.
Patuloy ang imbestigasyon ng otoridad sa nangyaring insidente. (Bhelle Gamboa)
