5-day Barangay-wide mass animal rabies vax drive sa Las Piñas isinagawa
Isinasagawa ng Pamahalaang Lungsod ng Las Piñas ang limang araw nitong
Barangay-Wide Mass Animal Rabies Vaccination para sa mga alagang aso at pusa ng mga residente simula ngayong araw ng Martes, Abril 8 hanggang Abril 12.
Ang pagbabakuna sa mga alagang pusa at aso ay ginanap sa Barangay BF International/CAA kaninang alas-8:00 ng umaga hanggang 12:00 ng tanghali.
Gaganapin din ito sa iba’t ibang lugar sa barangay ayon sa nakatakdang iskedyul at lokasyon.
Layunin nitong isulong ang responsableng pet owners, mapanatiling ligtas, at malusog ang ating komunidad.
Ang programang ito ay patuloy na handog ng Las Piñas City Veterinary Services Office sa ilalim ng pamumuno nina Mayor Mel Aguilar at Vice Mayor April Aguilar para sa kapakanan ng Las Piñeros. (Bhelle Gamboa)
