Shamcey Supsup-Lee nagbitiw sa line-up ng kinabibilangan niyang political party sa Pasig

Nagbitiw si Shamcey Supsup-Lee sa line-up ng kinabibilangan nitong political party sa Pasig City.

Ito ay matapos maging kontrobersiyal ang pambabastos umano ng kanilang Congressional Candidate na si Atty. Christian “Ian” Sia sa mga solo parent.

Ayon sa pahayag ni Supsup-Lee, matapos niyang pag-isipang mabuti ang sitwasyon, nagpasya siyang magbitiw na sa “KAYA THIS”.

Sinabi ni Supsup-Lee nan ang magpasya siyang sumama sa line-up ng partido, umasa siyang magkakaisa sila para mga nais na isulong na pagbabago.

Gayunman, bunsod ng mga nangyari nitong nagdaang araw, lumilitaw na ang kaniyang ‘values’ bilang babae, ina at leader ay hindi na naka-linya sa direksyong tinatahak ng team.

Ang pasya ayon kay Supsup-Lee ay bilang pagrespeto sa kaniyang mga kapwa aspirante, sa Miss Universe Philippines Organization at sa lahat ng kababaihan.

Si Shamcey Supsup-Lee ay tumatakbo bilang konsehal sa unang distrito ng Pasig. (DDC)