CSC magpapatupad ng half-day flexiplace” at “half-day work suspension sa kanilang Central at Regional Offices
Magpapatupad ng “half-day flexiplace” at “half-day work suspension” sa tanggapan ng Civil Service Commission (CSC) Central at Regional Offices sa Miyerkules Santo, April 16.
Ayon sa CSC, ito ay bilang bahagi ng paggunita ng Semana Santa.
Sinabi ng CSC na layon nitong kahit papaano ay maibsan ang pagsisikip sa daloy ng trapiko dahil inaasahang marami ang bibiyahe na ng Miyerkules Santo.
Layon din nitong mabigyan ng sapat na panahon ang mga empleyadong uuwi sa lalawigan para makapaghanda sa kanilang biyahe.
Ang mga tanggapan ng CSC ay dapat magtalaga ng skeleton workforce sa frontline services mula 8:00 a.m. hanggang 12:00 n.n. para asikasuhin ang mga kliyente. (DDC)
