Apat patay sa sunog sa Las Piñas City

Kinumpirma ng Bureau of Fire Protection (BFP) ng Las Piñas City na apat na magkakamag-anak ang namatay sa nangyaring sunog sa isang residential area sa Bernabe Compound, Barangay Pulanglupa Uno kaninang ala-1:41 ng madaling araw ng Lunes, Abril 7.

Sa mapping operation ng BFP, nadiskubre ang apat na bangkay na hindi pa pinapangalan, sa ikalawang palapag na nasunog na bahay sa lugar.

Ayon sa inisyal na ulat, sumiklab ang sunog sa kasagsagan ng mahimbing na pagtulog ng mga residente sa lugar.

Mabilis naman ang pagkalat ng apoy sa loob ng bahay.

Umabot sa unang alarma ang sunog at naapula ito ng mga bumbero bandang 2:37 ng madaling araw.

Inaalam pa ng otoridad ang sanhi ng sunog sa lugar at ang kabuuang pinsala sa mga ari-arian. (Bhelle Gamboa)