Congressional candidate sa Pasig City pinagpapaliwanag ng Comelec sa isyu ng “bastos” na joke sa mga solo parent

Nagpalabas ng show cause order ang Commission on Elections (Comelec) laban kay Pasig City 2nd Dist. Congressional Candidate Christian “Ian” Sia.

Kasunod ito ng kontrobersyal na biro ni Sia sa isang campaign caucus noong Apr. 3, kung saan sinabi nitong ang mga solo parent na nakararanas ng lungkot ay maaaring sumiping sa aniya minsan sa isang taon.

Ayon sa Comelec, ang pahayag na ito ni Sia ay posibleng paglabag sa Anti-Discrimination and Fair Campaigning Guidelines.

Sa section ng nasabing guidelines, maituturing na election offense ang “discrimination against women” at “gender-based harassment”.

At ayon sa Comelec maaari itong magresulta ng paghahain ng disqualification case laban kay Sia.

Binigyan lamang ng tatlong araw ng Comelec si Sia para magpaliwanag. (DDC)