2 suspek arestado halos P400K na halaga ng shabu sa Makati
Arestado ang tatlong suspek nang maakumpiskahan ng P387,600.00 na halaga ng umano’y shabu sa ikinasang buy-bust operation ng Makati City Police sa Barangay San Isidro sa lungsod.
Ang mga suspek ay kinilala sa mga alyas Raf Raf, 35-anyos, alyas Jemalyn, 26-anyos, parehong High-Value Individuals (HVIs),residente ng Brgy. San Isidro, Makati City; at alyas Benjamin, 42-anyos, Street-Level Individual (SLI), nakatira sa Pasay City.
Sa operasyong pinangunahan nina Maj Ryan B. Salazar, hepe ng SDEU, at Maj Engelbert Alan kasama ang mga tauhan ng Police Sub-station 3, matagumpay na nakabili ang police poseur buyer ng umano’y ilegal na droga kay alyas “Raf Raf” na nagresulta ng pagkaaresto nito at dalawang kasamang suspek.
Nakumpiska ng otoridad ang tinatayang 57 na gramo ng pinaghihinalaang shabu, buy-bust money, pouch, cellphone at bisikleta.
Nasa kustodiya ng pulisya ang tatlong suspek na sasampahan ng kasong paglabag sa Comprehensive Dangerous Drugs Act of 2002 sa Makati City Prosecutor’s Office. (Bhelle Gamboa)
