Research Vessel ng China namataan sa karagatang sakop ng Palawan
Binabantayan ngayon ng Philippine Coast Guard (PCG) ang presensya ng Chinese research vessel na Song Hang na namataang naglalayag sa bahagi ng Celebes Sea.
Namataan ang barko ng China sa 37 nautical miles south ng Cuyo Island tanghali ng Martes, April 1.
Bagaman maaaring maglayag sa lugar ang barko sa ilalim ng “right of innocent passage” ng United Nations Convention on the Law of the Sea (UNCLOS), tiniyak ng PCG na masusing imo-monitor ang galaw ng barko para matiyak na sumusunod ito sa domestic at international maritime regulations.
Iniutos na ng PCG ang pag-deploy sa aerial assets nito para makapagsagawa ng surveillance. (DDC)
