Drug personality tiklo sa P552K shabu sa Taguig buy-bust ops

Isang babaeng high-value individual (HVI) ang natiklo ng Taguig City Police Station at nakumpiska ang kabuuang P552,840 na halaga ng umano’y shabu sa ikinasang buy-bust operation sa Barangay Maharlika Village sa lungsod.

Ayon sa ulat nadakip ng mga operatiba ng Station Drug Enforcement Unit (SDEU) ang suspek na si alyas “Rohanie,” 52-anyos, at residente ng Block 29, Lot 180, Kabuntalan Street, Brgy. Maharlika Village, Taguig City.

Ang operasyon ay pinangunahn mismo ni Col. Joey T. Goforth,hepe ng Taguig PNP, sa ilalim ng direktang superbisyon ni BGen Manuel J. Abrugena, District Director Southern Police District (SPD).

Nakumpiska ng otoridad sa kasagsagan ng operasyon ang tinatayang 81.3 n gramo ng hinihinalang shabu, buy-bust money, at pouch.

Dinala ang ebidensiya sa SPD Forensic Unit para sa laboratory examination.

Inihahanda n ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa suspek sa Taguig City Prosecutor’s Office.

Pinuri ni BGen Abrugena ang dedikasyon ng mga operatiba ng Taguig PNP sa paglaban sa ilegal na droga at tiyakin ang kaligtasan ng komunidad.

Binigyang-diin nito ang paninindigan ng SPD sa pagbibigay ng proteksiyon sa publiko at wakasan ang pamamayagpag ng droga sa pamamagitan ng hindi tumitigil na mga hakbang at pagpapatupad ng batas. (Bhelle Gamboa)