Dagdag na P40 sa minimum wage sa Bicol Region aprubado na ng Wage Board

Aprubado na ng Regional Tripartite Wages and Productivity Board (RTWPB) ang dagdag na P40 sa minimum wage ng mga manggagawa sa Bicol Region.

Hahatiin sa dalawang tranche ang pagbibigay ng 40 na dagdag-sahod, kung saan ang unang P20 ay ipatutupad sa April 5, 2025 at P20 muli sa Dec. 1, 2025.

Simula sa Apr. 5 mula sa P395 ay magiging P415 na ang minimum na sweldo sa rehiyon.

Samantala, inaprubahan din ng wage board ang dagdag na P1,000 sa sahod ng mga domestic workers sa Bicol Region.

Dahil dito, mula sa Apr. 5, magiging P6,000 na ang minimum na sweldo ng mga kasambahay sa rehiyon mula sa dating P5,000. (DDC)